కఢాయీ కా గోస్ట్‌

కావలసినవి
మాంసం: అరకేజీ,
ఉల్లిపాయలు: మూడు(రెండు చిన్నముక్కలుగా తరగాలి, ఒకటి నూరాలి),
అల్లంవెల్లుల్లి ముద్ద: టీస్పూను,
పచ్చిమిరపకాయలు: ఎనిమిది, (మెత్తగా నూరుకోవాలి),
పసుపు: పావు టీస్పూను,
పెరుగు: టీస్పూను,
గరం మసాలా: అర టీస్పూను,
నిమ్మకాయలు: రెండు,
ఉప్పు: సరిపడా,
నూనె: కప్పులో మూడో వంతు
తయారుచేసేవిధానం
ప్రెజర్‌ పాన్‌లో నూనె వేయాలి. కాగిన తరవాత ఉల్లిపాయ ముక్కలు వేసి గోధుమరంగులోకి వచ్చేవరకూ వేయించాలి. నూరిన ఉల్లిముద్దనీ అల్లంవెల్లుల్లి ముద్దనీ వేసి కొద్దిగా వేయించాలి. నూరిన పచ్చిమిరపకాయలు, పసుపు, ఉప్పు వేసి రెండు నిమిషాలు వేయించాలి. మాంసం ముక్కలు కూడా వేసి వేయించాలి. అవి వేగాక సరిపడా నీళ్లు పోసి ముక్కలు ఉడికించాలి. రెండు మూడు స్పూన్ల పెరుగు కూడా వేసి తక్కువ మంటమీద మరో ఐదునిమిషాలు ఉడికించాలి. దించేముందు గరంమసాలా పొడి కూడా కలిపి, దించిన తరవాత నిమ్మరసం కలుపుకోవాలి.